Kombëtarja e Kosovës U16 në hendboll nis aventurën në Ligën Rajonale

Përfaqësuesja e Kosovës U16 në hendboll (djemtë) do të bëjë këtë fundjavë paraqitjen e parë në kuadër të Ligës Rajonale, e njohur si "U16 Regional Challenge Cup". Për këtë fazë, Kosova U16 është pozicionuar në Grupin C, ku do të ketë përballë Malin e Zi dhe Maqedoninë e Veriut. Ndeshja e parë e këtij kompeticioni do të zhvillohet të shtunën në qytetin e Podgoricës, ku djemtë tanë do të masin forcat me Maqedoninë e Veriut duke filluar nga ora 13:00. Ndërkaq, sfida e dytë është programuar për të dielën, në po të njëjtin vend, ku Përfaqësuesja jonë do të përballet me nikoqirët e Malit e Zi duke nisur nga ora 12:00. Sa i përket formatit të fazës së grupeve, kalendari parashikon që dy takime të zhvillohen në territorin e Maqedonisë së Veriut, ndërsa dy të tjera do të luhen në Kosovë. Ndërkohë, grupi i hendbollistëve të rinj po përmbyll sesionin stërvitor në qytetin e Ferizajt, ku po kryejnë përgatitjet e fundit para sfidave ndërkombëtare në Ligën Rajonale. Vlen të theksohet se ky organizim i rëndësishëm i Ligës Rajonale zhvillohet krahasimisht edhe në konkurrencën e vajzave.