Merkatoja e janarit: Barcelona kërkon përforcim te Arsenal

Klubi katalanas ka vënë në shënjestër mbrojtësin ekuadorian Piero Hincapié, teksa po përgatitet për lëvizjet e para në afatin kalimtar të dimrit. Sipas mediave ndërkombëtare, drejtori sportiv i gjigantit spanjoll, Deco, ka ndërmarrë hapat e parë duke kontaktuar agjentët e 24-vjeçarit, me qëllim që të analizojë kushtet dhe fizibilitetin e një operacioni të mundshëm transferimi. Në këtë periudhë, futbollisti nga Amerika Latine po aktivizohet më pak se ç'pret te skuadra e Arsenal, pavarësisht se trajneri Mikel Arteta e sheh atë si një element të rëndësishëm për stabilitetin e lojës në fushë. Drejtuesit në “Camp Nou” synojnë të kapitalizojnë pikërisht këtë situatë të lojtarit. Si Deco, ashtu edhe kreu i stolin katalanas, Hansi Flick, admirojnë polivalencën e tij, pasi ai mund të luajë me të njëjtin sukses si në qendër të prapavijës, ashtu edhe në krahun e majtë të mbrojtjes. Pavarësisht interesimit të qartë dhe entuziazmit nga ana e “blaugranëve”, realizimi i kësaj marrëveshjeje paraqet sfida të mëdha në nisje. Numri një i pankinës së Arsenal, Mikel Arteta, shfaqet shumë skeptik rreth idesë së shitjes apo huazimit të mbrojtësit gjatë merkatos së janarit.