Mourinho flet për largimin e Ronaldos nga kombëtarja: Ja si u shpreh trajneri portugez

Trajneri i Real Madridit, José Mourinho, ka thyer heshtjen lidhur me vendimin e Cristiano Ronaldos për t'i dhënë fund rrugëtimit të tij me fanellën e kombëtares së Portugalisë, duke kërkuar që ky vendim të respektohet plotësisht nga të gjithë. “Nuk dua të komentoj largimin e Cristiano Ronaldos nga kombëtarja portugeze. Duhet respektuar dhe unë e respektoj vendimin e tij. Kjo nuk është një tërheqje nga futbolli. Karriera e tij nuk ka përfunduar. Kushdo që e njeh, e di se ka ende objektiva për të arritur”, u shpreh ai. Megjithatë, teknik portugez nuk ka fshehur pakënaqësinë e tij me mënyrën se si është menaxhuar ky moment nga ana institucionale, duke vënë theksin te mungesa e një ceremonie zyrtare. “E vetmja gjë që do të dëshiroja është që lamtumira e tij si futbollist të ndodhte në një ditë tjetër”, – shtoi Mourinho, duke kritikuar hapur formatin e zgjedhur për këtë ngjarje të rëndësishme. Kujtojmë se ylli portugez i dha lamtumirën ekipit kombëtar përmes një videomesazhi ku lexoi një letër drejtuar mbështetësve, një zgjedhje kjo që krijoi krahasime të menjëhershme me lamtumirën madhështore publike që Argjentina i organizoi Lionel Messit vetëm pak javë më parë.