Kombëtarja publikon listën: Strakosha jashtë për shkak dëmtimi, rikthehet Berisha dhe ka risi nga Dinamo

Trajneri i kombëtares shqiptare, Rolando Maran, ka zyrtarizuar grupin prej 27 lojtarëve të përzgjedhur për sfidat e ardhshme në kuadër të “UEFA Nations League”. Portieri Thomas Strakosha nuk ka mundur të rikuperohet në kohë nga dëmtimi që ka, duke u detyruar të mungojë sërish, njësoj si në dy përballjet e kaluara. Për të mbuluar këtë mungesë në portë, tekniku Maran i ka besuar sërish ftesën veteranit Etrit Berisha, i cili do të jetë pjesë e grupit për ndeshjet e radhës. Në listën e publikuar spikat edhe rikthimi i mbrojtësit Arlind Ajeti, i cili ka lënë pas problemet fizike, si dhe mesfushorit Qazim Laçi, që është vënë sërish në dispozicion të kuqezinjve pas mungesës në dy takimet e fundit. Ndërkohë, risia e kësaj grumbullimi është thirrja e parë për Ysni Ismailajn, lojtarin e Dinamos. Krahas tij, një tjetër rikthim është ai i Klevi Qefalijas, i cili gjithashtu luan me skuadrën dinamovite që drejtohet nga trajneri Ilir Daja.