Krizë financiare në kryeqytet? Opozita ashpërson tonet ndaj ekzekutivit komunal

Përfaqësuesit e Lëvizjes Vetëvendosje në Kuvendin Komunal të Prishtinës kanë ngritur alarmin, duke e cilësuar si “shqetësuese” situatën aktuale financiare të institucionit vendor. Gjatë shqyrtimit të raportit financiar buxhetor për tremujorin e tretë të vitit, kreu i grupit të asamblistëve të kësaj partie, Gëzim Sveçla, ka bërë përgjegjës pushtetin lokal për menaxhimin e buxhetit.