Dhunë dhe kërcënime ndaj studentëve: Gjykata në Beograd vendos paraburgim për nëntë policë

Gjykata Themelore në Beograd ka vendosur masën e paraburgimit prej 30 ditësh për nëntë ish-pjesëtarë dhe zyrtarë aktualë të policisë serbe, të cilët dyshohen për keqtrajtimin e studentëve dhe qytetarëve të tjerë. Bëhet fjalë për zyrtarë dhe ish-zyrtarë të Njësisë për Sigurimin e Personave dhe Objekteve të Caktuara në kuadër të Ministrisë së Punëve të Brendshme të Serbisë. Ky vendim pasoi kërkesën zyrtare të Prokurorisë Themelore Publike në Beograd, e cila i ngarkon të dyshuarit se më 14 gusht, brenda garazhit të Qeverisë së Serbisë, kanë ushtruar dhunë fizike dhe psikike duke përdorur forcë dhe kërcënime. Sipas akuzës, qëllimi i këtyre veprimeve ishte nxjerrja e informacioneve, si dhe frikësimi dhe ndëshkimi i paligjshëm i të dëmtuarve, duke u konfiguruar kështu vepra penale e torturës dhe keqtrajtimit. Në listën e personave ndaj të cilëve është caktuar paraburgimi figuron komandanti aktual i Njësisë Speciale Kundër Terrorizmit, Igor Zhmiriç, si dhe të dyshuarit e tjerë të identifikuar me inicialet V.L., J.O., B.J., D.V., N.D., N.F., Z.V. dhe M.V. Autoritetet gjyqësore argumentuan se kjo masë u mor pasi ekziston rreziku real që të pandehurit të ndikojnë te dëshmitarët dhe të pengojnë rrjedhën e procedurës penale. Për veprat penale me elemente dhunë që u atribuohen atyre, legjislacioni në Serbisë parashikon dënim me burgim deri në pesë vjet. Ndërkohë, ish-shefi i kësaj njësie, Marko Kriçak, i cili tani mbajë pozitën e shefit të Drejtorisë së Policisë Kriminale, ndodhet tashmë në paraburgim dhe konsiderohet nga prokuroria si kryesori në këtë çështje. Ai gjithashtu po hetohet për keqpërdorim të detyrës zyrtare lidhur me një vrasje të ndodhur në restorantin “27” në lagjen Senjak, aksion të cilin e kishte drejtuar vetë, ndërsa në kallëzimin fillestar penal ishte përfshirë edhe Vesellin Milliç, në atë kohë ndihmësdrejtor dhe shef i policisë së Beogradit. Emri i Kriçakut mori vëmendje të gjerë publike pasi studentja Nikolina Singjeliç e denoncoi zyrtarisht për brutalitet policor dhe kërcënime të ushtruara ndaj saj në garazhin e ndërtesës së ekzekutivit gjatë protestave të kaluara. Këto protesta qytetare dhe studentore u organizuan si reagim ndaj autoriteteve pas tragjedisë në stacionin hekurudhor të Novi Sadit, ku humbën jetën 16 persona si pasojë e shembjes së strehës prej betoni. Vala e pakënaqësisë çoi në krijimin e lëvizjes politike “Lista Studentore”, e cila arriti të fitojë zgjedhjet parlamentare të mbajtura më 25 tetor, duke i dhënë fund pas 14 vjetësh pushtetit të ish-presidentit Aleksandar Vuçiç. Pas shpalljes së rezultateve përfundimtare më 5 nëntor, u hap rruga për themelimin e Parlamentit dhe formimin e Qeverisë së re të Serbisë.