Trump ia hedh fajin qytetarëve për kolapsin në Wall Street: Votën ua dhatë demokratëve

Kreu i Shtëpisë së Bardhë, Donald Trump, ka adresuar përgjegjësinë te qytetarët amerikanë lidhur me rënien drastike të tregut të aksioneve në Wall Street, duke theksuar se fajtorë janë zgjedhësit që mbështetën kandidaturat e Partisë Demokratike gjatë zgjedhjeve të mesmandatit. Nëpërmjet një deklarate të publikuar në platformën e tij digjitale Truth Social, Trump vuri në pah se tregu financiar kaloi një nga periudhat e tij më të errëta historike pikërisht për shkak të epilogut zgjedhor. "Bursa përjetoi një nga ditët më të këqija në histori si pasojë e rezultateve të zgjedhjeve. Është vërtet e trishtueshme ta shohësh këtë! U desh kaq shumë punë për të arritur në një nivel që nuk ishte parë kurrë më parë, e megjithatë ndodhi kjo. Si rrjedhim, llogaritë tuaja të pensionit (401(k)) kanë pësuar rënie. Mos harroni, nuk ishin republikanët,ishin Dumokratët", ka shkruar Trump. Në një tjetër reagim të tij, presidenti i Shteteve të Bashkuara ritheksoi se tkurrja e tregut financiar erdhi drejtpërdrejt nga zhvillimet dhe rezultatet e korrura nga opozita demokrate.