Çfarë i ndodh trupit tuaj nëse hiqni dorë nga alkooli vetëm për një javë?

Nëse jeni duke u përballur me netë pa gjumë gjatë javës, me siguri fajin ia vini kafesë, përdorimit të telefonit në mbrëmje apo edhe cilësisë së dyshekut. Megjithatë, ekspertët e ushqyerjes sugjerojnë se fajtori kryesor mund të jetë konsumimi i rregullt i pijeve alkoolike. Vëmendja e kushtuar shëndetit tregon se vetëm shtatë ditë pa alkool mjaftojnë për të sjellë ndryshime rrënjësore në organizëm, duke përmirësuar ndjeshëm procesin e tretjes, nivelet e energjisë gjatë ditës dhe cilësinë e pushimit të natës. Pavarësisht se alkooli mund t'ju japë një ndjesi përgjumjeje në fillim, ai pengon aftësinë e trupit për të arritur fazat e gjumit të thellë dhe rigjenerues. Alicia Galvin, nutricioniste e njohur, thekson se periudha e shkurtër prej një jave pa konsumuar alkool ndikon drejtpërdrejt në një pushim më cilësor. "Edhe pse alkooli mund t'ju ndihmojë të flini më shpejt, ai shkatërron fazën e gjumit REM, shton numrin e zgjimeve gjatë orëve të vona dhe e bërë gjumin të fragmentuar në pjesën e dytë të natës. Kjo është arsyeja kryesore pse pas pak netësh pa alkool, njerëzve u kthehet gjumi i thellë dhe ndihen dukshëm më të freskët në mëngjes", shton ajo. Ndikimi i alkoolit shtrihet gjithashtu në shëndetin e zorrëve, i cili lidhet ngushtë me ciklin e gjumit. Sipas Galvin, lidhja e dyanshme mes trurit dhe zorrëve do të thotë se një florë intestinale më e balancuar dhe me më pak inflamacione ndihmon në një rregullim më të mirë të gjumit. Ekspertja pohon se pas shtatë ditësh pa alkool, zgjimet e natës rrallohen, faza e gjumit REM zgjatet, ndërsa energjia dhe kthjellësia mendore gjatë ditës rriten ndjeshëm. Po ashtu, shumë persona vënë re ulje të gërhitjes dhe sinjalet e para të një tretjeje më të shëndetshme. Nga ana tjetër, nutricionistja Kezia Joy vë njofton se hidratimi i trupit përmirësohet në mënyrë të menjëhershme sapo ndërpritet alkooli. "Ndalimi i alkoolit për vetëm shtatë ditë rrit aftësimin e trupit për të ruajtur lagështinë dhe hidratimin optimal. Njëkohësisht, kjo ndihmon në zvogëlimin e fryrjes abdominale dhe pasojave të tjera negative të dehidratimit", shprehet ajo. Sipas saj, ky hap i thjeshtë premton një stabilitet më të madh të humorit, niveleve të energjisë dhe oreksit, si dhe një përqendrim shumë më të lartë në detyrat e përditshme.