A jetojnë të ndarë? Kourtney Kardashian thyen heshtjen dhe sqaron të vërtetën për martesën me Travis Barker

Kourtney Kardashian i ka hedhur poshtë në mënyrë kategorike zërat se ajo dhe bashkëshorti i saj, bateristi Travis Barker, po jetojnë të ndarë, duke i quajtur këto aludime plotësisht të pavërteta. Gjatë transmetimit të episodit më të ri të reality show-t “The Kardashians”, të enjten më 5 nëntor, ylli i ekranit tregoi se si përfaqësuesi i saj i kishte kërkuar një reagim zyrtar lidhur me këto thashetheme, të cilat ajo i etiketoi si trillime dashakeqe. “Më erdhi një mesazh ku thuhej: ‘Revista pretendon se ju dhe Travis jeni ndarë dhe nuk jetoni më bashkë.’ Përgjigjja ime ishte: ‘Thuaju ta nxjerrin në shesh.’ Le të shohim se çfarë do të ndodhë, pasi ata vetë e dinë shumë mirë që kjo nuk është e vërtetë,” u shpreh ajo gjatë programit. Sipas 47-vjeçares, e gjithë kjo valë dezinformimi ka nisur nga një video e publikuar në platformën TikTok, ndërsa u shpreh e habitur se si një masë kaq e madhe njerëzish ka rënë pre e këtyre gënjeshtrave. “Është e pabesueshme se si njerëzit bien pre dhe i besojnë këto gjëra. Është vërtet e çuditshme,” përfundoi ajo.