Komisioni Hetimor për rastin e Arlinda Zekajt mblidhet sot, fokusi te buxheti dhe plani i veprimit

Këtë të hënë do të zhvillojë punimet Komisioni Hetimor Parlamentar, i mandatuar për të shqyrtuar reagimet dhe dështimet institucionale në lidhje me vrasjen e Arlinda Zekajt, si dhe trajtimin e fenomeneve të dhunës në familje ndaj grave dhe fëmijëve. Seanca e këtij trupi hetimor është parashikuar të nisë në orën 14:00. Bazuar në agjendën e bërë publike nga Kuvendi, në qendër të diskutimeve do të jetë miratimi i rendit të ditës, planifikimi i veprimeve, si dhe buxheti i dedikuar për këtë komision, për t'i hapur rrugë punës së mëtejshme bashkë me pika të tjera të karakterit procedural.