Investim prej 153 mijë eurosh: Fillojnë punimet për sanimin e rrugës Krushë e Madhe–Rahovec

Ministria e Infrastrukturës dhe Transportit ka dhënë dritën jeshile për nisjen e punimeve në segmentin rrugor R204, i cili lidh Krushën e Madhe me Rahovecin. Ndërhyrja fokusohet te fshati Brestovc, ku do të realizohet stabilizimi i dheut të rrëshqitur dhe do të ndërtohet një trotuar i ri për këmbësorët në zonën e urës. Përmes një njoftimi zyrtar në rrjetin social “Facebook”, dicasteri përkatës ka bërë të ditur se fondi i dedikuar për këtë projekt arrin shifrën e 153 mijë eurove. Ndërkohë, kompania e kontraktuar ka në dispozicion një afat prej 60 ditësh kalendarike për t'i përmbyllur punimet. Sipas autoriteteve, ky intervenim infrastrukturor është jetik për evitiminuin e rrezikut nga shembjet e dheut, përmirësimin e parametrave të sigurisë në trafik, si dhe lehtësimin e lëvizjes së përditshme për banorët lokalë dhe udhëtarët që përshkojnë këtë aks.