Tragjedi në Korsikë: Moti i keq merr dy jetë, makina përfshihet nga uji i rrëmbyeshëm

Një stuhi e fuqishme ka goditur jugun e Francës, duke shkaktuar pasoja fatale në ishullin e Korsikës, ku dy persona kanë gjetur vdekjen pasi automjeti me të cilin udhëtonin u mor nga prurjet e mëdha të ujit. Ministri i Brendshëm, Laurent Nunez, konfirmoi ngjarjen e rëndë të premten, duke shtuar se një grua rreth të 40-tave ka mundur të shpëtojë nga kjo situatë kritike. Gjatë operacionit të shpëtimit, një nga efektivët e zjarrfikësve u dërgua me urgjencë në spital pasi pësoi hipotermi gjatë ndërhyrjes në terrenin e vështirë, specifikoi ministri Nunez. Ndërkohë, shërbimi kombëtar meteorologjik, Meteo France, kishte lëshuar paralajmërime paraprake për reshje intensive dhe rrezik përmbytjesh në rajonin e Korsikës dhe në zona të tjera të Francës jugore. Sipas të dhënave zyrtare, që nga nisja e fenomenit ekstrem të motit ditën e mërkurë pasdite, autoritetet kanë regjistruar deri në 350 milimetra reshje shiu në këtë territor.