KEDS paralajmëron ndërprerje të energjisë elektrike për sot: Ja zonat që preken nga punimet

Kompania për Distribuimin e Energjisë Elektrike në Kosovë (KEDS) ka bërë të ditur se gjatë ditës së sotme, më 06.11.2026, do të realizohen një sërë punimesh teknike për të garantuar sigurinë dhe qëndrueshmërinë e sistemit energjetik. Për shkak të këtyre ndërhyrjeve, në disa lokalitete të vendit do të ketë ndërprerje të përkohshme të furnizimit me rrymë. Në rajonin e Podujevës, nga NS 35/10kV Batllava, nga ora 10:00 deri në 14:00, pa energji do të mbesin: Kusheviti, Shkolla e Vjetër, Xhamia e Vjetër, Kalatica, Braina, Berveniku, Bllata, Metergovci (1 dhe 2), Orllani, zona e vikendicave dhe te Zahir Pajaziti, për shkak të demontimit të shtyllave 10kV. Ndërkaq, nga NS 220/35/10kV Podujeva, nga ora 09:00 deri në 18:00, do të ketë ndërprerje në daljen 10kV Fshatrat 1 (Sekiraqa, Poteret, Qershijat, Kamerollet, Kunushefc 1 dhe 2, Burice, Gllamnik, Llapashticë e Ulët). Gjithashtu, nga ora 10:00 deri në 14:00, në daljen 10kV Ballovci do të preken: Surkishi, Lladofci, Sfeqel, Dumoshi, Shajkovci, Surdulli, Hertica, Drazhnje, Rakenica dhe Turuqica, për shkak të vendosjes së shtyllave të reja. Në rajonin e Pejës, nga TS Deçani, nga ora 09:30 deri në 14:30, do të ndërpritet dalja 10kV Lumbardhi, duke prekur Shaptejn, Ratishin, Pozharin, Maznikun, Lumbardhin, Llukën, Kodralin, Irzniqin, Gramaqelin, Gllogjanin dhe Dashinocin, si pasojë e mirëmbajtjes preventive pas inspektimit me dron. Nga TS Peja 2, në daljen 10kV Loxha, nga ora 09:00 deri në 14:00, pa rrymë do të jenë Zllapeku, Zagërma, Strellci i Epërm, Raushiqi, Peja, Lubeniqi, Loxha, Graboci, Dardania dhe Bellopoja. Në rajonin e Prizrenit, nga TS Pirana (dalja 10kV Randobrava), nga ora 10:00 deri në 14:00, do të ndërpritet furnizimi në Retijë, Reti e Poshtme dhe Randobravë për shkak të eliminimit të defekteve. Ndërsa nga TS Zhuri, nga ora 09:30 deri në 13:30, do të ketë ndërprerje masive në nëntë dalje 10kV, duke përfshirë Zhurin, Shkozën, Planejën, Milajn, Gorozhupin, Dobrushtin, Vërmicën, Lubiqevën, Lezin, Leskovecin, Jeshkovën, Hoçën e Qytetit, Billushën, Vlashnjen, Poslishten, Murademin, Kobajën, Grazhdanikun dhe Kampin Bektel-Enka, si pasojë e një riparimi emergjent në kthinën hyrëse. Së fundi, nga TS Dragashi, do të ketë ndërprerje në daljet që mbulojnë Restelicën, Sharri I dhe II, Bresanën, Bellobradin, Remateksin dhe shpenzimet vetanake, për shkak të punimeve të planifikuara në këtë zonë.