Aleanca propozon emrat për 16 komisionet parlamentare, Bekë Berisha kryeson Komisionin për AKI-në

Aleanca ka paraqitur sot në Kuvendin e Kosovës emrat e deputetëve të saj për përbërjen e 16 komisioneve parlamentare. Propozimet janë bërë nga shefi i grupit parlamentar të Aleancës, Besnik Tahiri. Sipas propozimeve, Aleanca do të ketë një kryetar komisioni. Deputeti Bekë Berisha është votuar për kryetar të Komisionit për Mbikëqyrjen e Agjencisë së Kosovës për Inteligjencë (AKI). Propozimet e Aleancës janë: 1.Komisioni për Buxhet: Teuta Haxhiu – anëtare. 2. Komisioni për të Drejtat dhe Interesat e Komuniteteve dhe Kthim: Duda Balje – anëtare. 3. Komisioni për Legjislacion: Besnik Tahiri – anëtar. 4. Komisioni për Integrim Evropian: Time Kadrijaj – anëtare. 5. Komisioni për Punë të Jashtme dhe Diasporë: Time Kadrijaj – anëtare. 6. Komisioni për Arsim: Teuta Haxhiu – anëtare. 7. Komisioni për Ekonomi, Industri, Ndërmarrësi, Tregti dhe Inovacion: Burim Ramadani – anëtar. 8. Komisioni për Mjedis, Planifikim Hapësinor, Ushqim, Bujqësi, Pylltari, Zhvillim Rural, Infrastrukturë dhe Transport: Albana Bytyqi – anëtare. 9. Komisioni për Shëndetësi: Albana Bytyqi – anëtare. 10. Komisioni për Administratë Publike, Digjitalizim, Pushtet Lokal, Media dhe Zhvillim Rajonal: Albana Bytyqi – zëvendëskryetare e parë. 11. Komisioni për Çështje të Sigurisë dhe Mbrojtjes: Burim Ramadani – anëtar. 12. Komisioni për të Drejtat e Njeriut, Barazi Gjinore dhe Peticione: Duda Balje – anëtare. 13. Komisioni për Mbikëqyrjen e Financave Publike: Burim Ramadani – anëtar. 14. Komisioni për Mbikëqyrjen e AKI-së: Bekë Berisha – kryetar. 15. Komisioni për Kulturë, Turizëm, Sport dhe Rini: Bekë Berisha – anëtar. 16. Komisioni për Mirëqenie Sociale, Punë, Familje, Vlerat e Luftës Çlirimtare, Viktimat e Dhunës Seksuale të Luftës dhe Persona të Pagjetur: Time Kadrijaj – anëtare.