Turqi - Itali: Formacionet zyrtare për sfidën e mbijetesës në Nations League

Turqia dhe Italia janë gati për një përballje vendimtare në kuadër të Ligës së Kombeve, ku të dyja përfaqësueset kërkojnë këndelljen pas rezultateve zhgënjyese në takimet e para. Humbja minimale 1-0 përballë Francës dhe disfata e Italisë në shtëpi me rezultatin 2-0 ndaj Belgjikës e bëjnë këtë duel jetik për rrugëtimin e mëtejshëm të tyre në kompeticion. Statistikat historike flasin qartë në favor të “Axurrëve”, të cilët nuk njohin humbje në 13 përballjet e fundit ndaj turqve, duke regjistruar 9 fitore dhe 4 barazime. Megjithatë, kombëtarja turke shpreson të thyejë këtë traditë negative, duke u mbështetur te talenti i Arda Güler, i cili konsiderohet si kërcënimi kryesor për mbrojtjen italiane. Sfida për vendasit vështirësohet edhe nga mungesa e portierit Uğurcan Çakır, i cili është i pezulluar pas kartonit të kuq të marrë në ndeshjen e kaluar. Ja formacionet zyrtare të zgjedhura nga trajnerët për këtë përballje: Turqia: Bayindir A. (G), Aydin O., Celik Z., Demiral M. (C), Elmali E., Guler A., Kabak O., Kokcu O., Ozcan S., Uzun C., Yilmaz B. Italia: Donnarumma G. (G)(C), Bastoni A., Esposito F., Esposito Se., Fagioli N., Frattesi D., Kayode M., Raspadori G., Ruggeri M., Scalvini G., Tonali S.