Magjia e Qazim Laçit në Turqi: Mesfushori shqiptar shkëlqen mes statistikave mbresëlënëse

Përveç Ernest Muçit, i cili ka tërhequr vëmendjen e opinionit sportiv në Turqi me paraqitjet e tij te Trabzonspori, një tjetër protagonist i Kombëtares shqiptare po shndërrohet në një fenomen të vërtetë në elitën e futbollit turk. Bëhet fjalë për Qazim Laçin, emri i të cilit po lakohet gjithnjë e më shpesh në mediat sportive vendëse. Mesfushori i kuqezinjve është shndërruar në boshtin e skuadrës së Rizesporit. Përformanca e tij individuale është në një nivel më të lartë se pjesa tjetër e grupit, duke bërë që shpeshherë bashkëlojtarët të mos arrijnë të ndjekin ritmin dhe vizionin e tij në fushën e lojës. Shifrat e Laçit janë dëshmia më e mirë e kontributit të tij. Gjatë 10 javëve të para të kampionatit, ai ka regjistruar plot 29 pasime kyçe që kanë krijuar mundësi për gol, por fatkeqësisht, asnjë prej tyre nuk është konkretizuar në rrjetë nga shokët e skuadrës. Përtej pasimeve, ndikimi i tij është edhe më konkret në aspektin personal. Qazim Laçi mban titullin e golashënuesit më të mirë të Rizesporit për vitin kalendarik 2026 në Superligën turke, me 8 gola të shënuar, ndërsa ka asistuar gjithashtu në 6 raste të tjera për golat e skuadrës së tij.