Punësimet në diplomaci, Konjufca sqaron rolin e tij: Unë vetëm nënshkruaj vendimet e komisionit

Ministri i Punëve të Jashtme dhe Zëvendëskryeministri i parë, Glauk Konjufca, ka reaguar lidhur me pretendimet për emërime të personave me lidhje familjare të pushtetarëve nëpër misionet diplomatike të vendit. Ai ka sqaruar se nuk është i përfshirë drejtpërdrejt në përzgjedhjen e emrave për këto pozita. Sipas kreut të diplomacisë, procesi i lëvizjeve të stafit është menaxhuar nga një trupë profesionale. Konjufca ka theksuar se detyra e tij në këtë proces është thjesht zyrtare, duke konfirmuar se ai vetëm hedh firmën në vendimet që i dërgohen për miratim. “Nuk merrem me emra të përveçëm. Kemi realizuar 54 lëvizje brenda Ministrisë së Punëve të Jashtme, ndërsa procesi është udhëhequr nga një komision profesional, i përbërë edhe nga ambasadorë. Unë nuk merrem me identifikimin e emrave; ata thjesht m’i sjellin për nënshkrim”, deklaroi Konjufca.