Qëndrimi zyrtar i Bernës për vendimet e Hagës: Cassis thekson respektimin e plotë të drejtësisë ndërkombëtare

Shefi i diplomacisë zvicerane, Ignazio Cassis, ka riafirmuar përkushtimin e shtetit të tij ndaj institucioneve të drejtësisë ndërkombëtare. Në një deklaratë për media, ai ka bërë të ditur se Zvicra mban një qëndrim parimor sa i përket vendimeve që dalin nga gjykatat ndërkombëtare, duke i cilësuar ato si akte që nuk duhet të bëhen pjesë e debatit politik. “Përgjigjja ime për këtë çështje është e njëjtë me atë që mbajmë për çdo rast tjetër kudo në botë. Zvicra qëndron palëkundur përkrah gjykatave ndërkombëtare dhe pranon vendimet e nxjerra nga instancat që kanë legjitimitetin e plotë për t’i marrë ato. Ne kemi zgjedhur të mos i komentojmë këto vendime, pasi ato mbeten çështje ekskluzivisht gjyqësore dhe nuk janë objekte të diskutimeve politike”, ka deklaruar ministri Cassis.