Cassis: Marrëdhëniet mes Zvicrës dhe Kosovës janë të shkëlqyera, mbështetje e plotë për integrimin evropian

Kreu i diplomacisë zvicerane, Ignazio Cassis, ka vlerësuar lart marrëdhëniet dypalëshe mes Zvicrës dhe Kosovës, duke i cilësuar ato si të fuqishme dhe të mbështetura në një traditë të gjatë bashkëpunimi të frytshëm. Këto komente u bënë gjatë një takimi zyrtar që Cassis pati me zëvendëskryeministrin e parë, njëkohësisht ministër i Punëve të Jashtme dhe Diasporës, Glauk Konjufca, ku u ritheksua gatishmëria e Bernës zyrtare për të mbështetur Kosovën në rrugëtimin e saj drejt integrimit evropian.