Gara për “Topin e Artë” 2026: Anthony Gordon ndalet te Yamal dhe Kane

Sulmuesi anglez Anthony Gordon ka shmangur një zgjedhje përfundimtare mes dy pretendentëve kryesorë për prestigjiozin “Topi i Artë” 2026, Lamine Yamal dhe Harry Kane. Gjatë një interviste për “talkSPORT”, lojtari ka analizuar potencialin e secilit prej tyre pa anuar nga asnjëri. Duke u ndalur te talenti i pastër, Gordon e ka cilësuar adoleshentin spanjoll si kryesuesin e padiskutueshëm. “Nëse flasim vetëm për talent të pastër, Lamine Yamal është pa dyshim numri një për ‘Topin e Artë’,” u shpreh ai. Nga ana tjetër, përfaqësuesi i kombëtares angleze vuri në dukje se bashkëkombësi i tij ka po aq shanse falë statistikave mbresëlënëse. “Por, duke parë sezonin e kaluar, Harry Kane ka po aq argumente në favor të tij. Sezoni i tij ishte historik. Numri i golave që shënoi dhe ajo që bëri në Botëror janë elemente të rëndësishme,” shtoi më tej ai. Në përmbyllje të prononcimit të tij, ish-sulmuesi i Newcastle United u uroi suksese të dy protagonistëve, duke përsëritur se të dy gëzojnë shanse të barabarta për të rrëmbyer trofeun e lakmuar.