Afrim strategjik mes FEFS-it dhe Qendrës së Studentëve për infrastrukturën e Lojërave Mesdhetare 2030

Fakulteti i Edukimit Fizik dhe Sportit (FEFS) ka mirëpritur në një takim zyrtar drejtorin e Qendrës së Studentëve, Ekrem Rudari, i cili është njëkohësisht ish-student i këtij institucioni akademik. Në qendër të bisedës mes dy drejtuesve ka qenë fuqizimi dhe zgjerimi i partneritetit ekzistues në bazë të memorandumit të bashkëpunimit, ndërkohë që u bë një vlerësim pozitiv i arritjeve dhe punës së përbashkët deri më tani. Një nga pikat kyçe të diskutimit ishte organizimi i Lojërave Mesdhetare Prishtina 2030, me fokus të veçantë te projektet infrastrukturore sportive që po zhvillohen për këtë ngjarje të madhe. Lidhur me këtë çështje, palët shqyrtuan mundësinë që pas përfundimit të aktiviteteve garuese, e gjithë kësaj trashëgimie sportive t'i jepet në shfrytëzim studentëve të FEFS-it. Projektet dhe hapësirat e reja sportive, duke përfshirë edhe pishinat gjysmëolimpike, u vlerësuan si mundësi ideale për t'u shfrytëzuar në orët e mësimit dhe në stërvitjet profesionale të studentëve. Në përfundim të takimit, u theksua domosdoshmëria e bashkëpunimit të ngushtë ndërinstitucional për të maksimizuar potencialin e kapaciteteve të reja, në funksion të ngritjes së cilësisë në arsim, zhvillimit të sportit dhe përmirësimit të kushteve për studentët.