Harry Kane konfirmon marrëveshjen me Bayernin: Jemi shumë pranë mbylljes së kontratës së re

E ardhmja e Harry Kane duket se do të mbetet sërish e lidhur me gjigantin bavarez, Bayern Munih, pasi sulmuesi anglez ka bërë të ditur se bisedimet për vazhdimin e bashkëpunimit janë drejt fundit. Kapiteni i Kombëtares së Anglisë, i cili së fundmi u kurorëzua me Topin e Artë për vitin 2026, ka bërë me dije se është arritur pajtimi për pikat kryesore të marrëveshjes dhe kanë mbetur vetëm disa çështje të vogla për t'u mbyllur përfundimisht. "Do të thoja se është çështje ditësh, jo javësh. Kemi pasur bisedime të mira gjatë fundjavës dhe përsëri sot. E di që vazhdoj të them se jemi afër, por tani jemi jashtëzakonisht afër", u shpreh Kane gjatë konferencës për media para sfidës së Ligës së Kampionëve kundër Atletico Madridit. Futbollisti shtoi se pjesa më e madhe e procesit ka përfunduar me sukses, ndërsa tashmë çështja ka kaluar në duart e avokatëve për të finalizuar detajet e fundit ligjore të kontratës. Që nga transferimi i tij nga Tottenhami te Bayerni në vitin 2023, Kane ka qenë lider i skuadrës, ndërsa marrëveshja e tij aktuale skadon në verën e vitit 2027. Megjithatë, drejtuesit e klubit nga Munichu synojnë që përmes këtij rinovimi ta mbajnë sulmuesin kryesor në radhët e tyre deri në vitin 2029.