Kryetari i Lëvizjes Vetëvendosje, Albin Kurti, ka rikonfirmuar qëndrimin e tij kundër bashkëqeverisjes me Partinë Demokratike të Kosovës (PDK), duke thënë se kjo parti duhet të qëndrojë edhe për një mandat në opozitë. Kurti theksoi se PDK-ja sapo është larguar nga pushteti pas dy dekadash dhe nuk e sheh të arsyeshme që ajo të kthehet në qeveri. “Besoj që dhe një mandat minimalisht i duhet PDK-së të jetë në opozitë. Mezi pas 20 vjetëve e nxorëm në opozitë, unë nuk e di pse ky zell i atyre që janë në opozitë, e nuk janë në PDK, ta kthejnë PDK-në në qeverisje”, deklaroi ai për RTK-në. Kurti kritikoi gjithashtu idenë për një qeveri gjithëpërfshirëse, të cilën e kishte propozuar Lidhja Demokratike e Kosovës (LDK), duke e quajtur një zgjidhje që do ta linte vendin pa opozitë. “Unë nuk jam për ato solucione qeveri teknike, tranzicionale, gjithpërfshirëse, që e lënë Kosovën pa opozitë. Në demokraci duhet të kemi opozitë”, tha ai. Sinjali – aty ku e vërteta flet para lajmit! /GazetaSinjali/