Superliga e Femrave në basketboll: Tirana e shkëputur në krye, Partizani fiton derbin

Kampionati i basketbollit për femra në Superligë ka mbyllur ndeshjet e javës së katërt, ku Tirana ka konfirmuar formën e shkëlqyer duke marrë kreun e vetëm të renditjes pas katër fitoreve radhazi. Formacioni bardheblu ka triumfuar në transfertë ndaj Vllaznisë me rezultatin 62-58. Vajzat nga kryeqyteti kanë dominuar takimin e zhvilluar në Shkodër, duke e mbyllur pjesën e parë me një avantazh të bindshëm prej 16 pikësh, 39-23. Për Tiranën u dalluan Sonier dhe Maddox, të cilat kontribuan me nga 17 pikë secila, ndërsa 26 pikët dhe 10 rebound-et e Vllaznisë mbetën të pamjaftueshme për të përmbysur rezultatin. Nga ana tjetër, skuadra kampione e Flamurtarit nuk ka falur në parketin e saj, duke regjistruar një fitore të thellë 87-52 kundër skuadrës debutuese, Sopoti Eagles. Ndeshja ka qenë e kalueshme lehtësisht për vlonjaten, e cila ka thelluar diferencën nga perioda në periodë. Jacobsson ishte protagonistja kryesore për vendaset me 20 pikë të shënuara, ndërsa Gledia Pulaj e Sopoti Eagles realizoi 25 pikë, të cilat shërbyen vetëm për statistika. Një vëmendje të veçantë ka marrë derbi kryeqytetas mes Studentit dhe Partizanit, i cili u fituar nga “të kuqtë” me shifrat 80-71. Pjesa e parë ishte tejet e ekuilibruar dhe u mbyll 42-35 në favor të Partizanit, të cilët më pas ngritën ritmin dhe dominuan pjesën e dytë për të siguruar fitoren e merituar. Për Studentin nuk mjaftuan 30 pikët e shënuara nga Spahiu, ndërsa te Partizani u dallua Gligic me 29 pikë të realizuara. Rezultatet e javës së 4-t në Superligën e Femrave: Flamurtari – Sopoti Eagles, 87-52 Studenti – Partizani, 71-80 Renditja e përgjithshme pas katër javësh: Tirana 8 pikë Flamurtari 7 pikë Vllaznia 6 pikë Partizani 6 pikë Studenti 5 pikë Sopoti Eagles 4 pikë