Paratë e fshehura në kuti dhe vila: Klevis Balliu ngre akuza të forta ndaj Belinda Ballukut dhe SPAK-ut

Deputeti i Partisë Demokratike, Klevis Balliu, ka reaguar përmes një postimi në rrjetet sociale lidhur me zhvillimet e fundit hetimore, ku gjatë verifikimeve në telefonin e bashkëshortit të një sanitareje të zëvendëskryeministres Belinda Balluku, është zbuluar një fotografi që shfaq tufa me euro brenda një vile në jug të vendit. Në reagimin e tij, Balliu thekson se zyrtarët e lartë të mazhorancës socialiste kanë përvetësuar shuma kaq të mëdha monetare, sa tashmë janë detyruar t'i fshehin në hapësira private, zyra, vila, apo edhe t'i groposin për t'i shpëtuar syrit publik. Më tej, ligjvënësi demokrat ka ngritur pikëpyetje serioze mbi efikasitetin e Prokurorisë së Posaçme (SPAK), duke kërkuar shpjegime se përse hetuesit nuk kanë arritur të zbulojnë këto sasi parash gjatë kontrolleve të ushtruara në pronën e Ballukut në bregdetin e Dhërmiut.