Konfrontim i ashpër në BBVK: Nichi i drejton akuza të rënda Fuegos

Mëngjesi i së dielës në shtëpinë e Big Brother VIP Kosova ka nisur me tensione të larta, ku banori Nichi ka shfaqur pakënaqësi të mëdha ndaj kolegut të tij, Fuegos. I shtrirë në ambientet e ndenjjes, ai nuk i ka kursyer replikat dhe tonet e ashpra drejtuar këtij të fundit. Nichi ka zgjedhur një formë ironike për të shprehur irritimin e tij, duke iu drejtuar produksionit me kërkesën për të ndërhyrë. “Keni sjellë gangsterë, kini kujdes. Ju lutem, a mund të dërgoni sigurimin, sepse po ndihem i rrezikuar”, ka deklaruar ai gjatë bisedës. Duke iu referuar sfidës së radhës që e pret, Nichi ka paralajmëruar se Fuego mund të tentojë të krijojë situata provokuese. Ai e ka mbyllur reagimin e tij me një mesazh të qartë dhe kërcënues ndaj banorit tjetër: “Shumë gabim po bëni që po më provokoni”.