Ori Nebijaj lëshon kritika të ashpra: Pushteti ka humbur besimin, ndërsa opozita...

Moderatorja e njohur e programit “Goca dhe Gra”, Ori Nebijaj, e cila mban edhe statusin e ish-depubetes së Partisë Demokratike, ka bërë një deklaratë domethënëse gjatë transmetimit të mbrëmshëm, duke u ndalur te figura e kryetarit të PD-së, Sali Berisha, dhe skenën aktuale politike në vend. Gjatë prezantimit të një bisede që artistja Ema Andrea kishte zhvilluar me ish-ministrin e Jashtëm dhe ish-ligjvënësin demokrat, Besnik Mustafaj, ku u diskutua gjendja e tanishme politike, Nebijaj u shpreh se Shqipëria ndodhet nën drejtimin e një ekzekutivi që ka humbur mbështetjen qytetare, përballë një opozite që sipas saj nuk shihet gjundkër. Sipas vlerësimit të moderatores, kreu i forcës kryesore opozitare vazhdon të shfaqë rezistencë ndaj dëgjimit të zërit të të tjerëve dhe shmang marrjen e vendimeve, duke ushqyer kështu konflikte të reja brenda një konteksti mjaft të paqartë mbi prioritetet që duhet të udhëheqin shoqërinë në këto momente. “Do të kemi kënaqësinë që të gjithë bashkë të shijojmë një intervistë shumë të bukur dhe të veçantë me Besnik Mustafajn që do e sjellë vetë Ema Andrea. Të dy bashkë e kanë cekur atë se çfarë po ndodh me realitetin në Shqipëri, me këto ekstremet tona, jo vetëm sociale por që i përjetojmë disi në të gjitha fushat. Për realitetin e protestave, për realitetin politik. Duke qenë se dhe vetë ka qenë i angazhuar, përveçse është publicist dhe shkrimtar, dhe për ato të vërtetat e mëdha që edhe sot patëm mundësi që të na kujtoheshin përgjatë asaj çfarë pamë teksa ndodhte protesta përgjatë ditës”, u shpreh ajo. Duke vijuar më tej në fjalën e saj, Nebijaj përsëriti qëndrimin kritik ndaj dinamikave politike aktuale: “Një pushtet që nuk ka më besimin e qytetarëve dhe një opozitë që nuk ekziston dhe refuzon të dëgjojë qytetarët ishte ajo çfarë na u përcoll sot. Një kryetar partie në opozitë që ende nuk do të dëgjojë dhe të marrë asnjë vendim që shkakton edhe tensione të mëtejshme në një situatë krejtësisht të paqartë për atë se cili duhet të jetë fokusi në ditë si këto. Ajo çfarë studentët dhe të rinjtë kërkojnë apo ajo se çfarë qytetarët që i mbështesin ata duan që të vijë si formë ndryshimi”.