Bilanci i Policisë gjatë 24 orëve: Dhjetëra aksidente në rrugët e Kosovës dhe mbi 1,600 gjoba trafiku

Autoritetet policore në Kosovë kanë vazhduar kontrollet e rrepta në rrugë gjatë 24 orëve të fundit, me ç'rast kanë shqiptuar gjithsej 1,633 gjoba për shkelësit e rregullave të komunikacionit. Po ashtu, gjatë kësaj periudhe, organet e rendit kanë arrestuar 13 persona. Sipas të dhënave zyrtare nga raporti ditor i Policisë së Kosovës, në rrugët e vendit janë regjistruar 24 aksidente trafiku me të lënduar, ndërkaq në 35 raste të tjera janë shkaktuar vetëm dëme materiale. Sa i përket të arrestuarve, organet e rendit bëjnë të ditur se nëntë prej tyre janë dërguar në mbajtje. Fatmirësisht, gjatë këtij harku kohor nuk është regjistruar asnjë aksident me pasoja fatale.