Tensionet para Kryeministrisë: Protestuesit rikthehen në shesh dhe përleshen me efektivët e policisë

Pasi ishte shpërndarë për pak minuta, turma e protestuesve është rikthyer sërish në sheshin përpara selisë së qeverisë, duke vijuar tubimin e tyre me kauza dhe thirrje të ashpra politike. Gjatë zhvillimit të protestës, pjesëmarrësit kanë lëshuar slogane të drejtuara si ndaj kreut të ekzekutivit, Edi Rama, ashtu edhe ndaj kryetarit të Partisë Demokratike, Sali Berisha. Në ambientet përpara Kryeministrisë po jehojnë vazhdimisht thirrjet e qytetarëve, të cilët kërkojnë hapur: “Rama në burg, Berisha në burg”. Situata ka degjeneruar në tensione dhe përplasje fizike me forcat e rendit, në momentin kur protestuesit kanë tentuar të çajnë kordonin policor për të qëndruar në afërsi të godinës kryesore qeveritare.