Breel Embolo thyen heshtjen: Situata ime me Kombëtaren e Zvicrës nuk krahasohet me atë të Granit Xhakës

Kapiteni Granit Xhaka dhe sulmuesi Breel Embolo janë bërë sërish pjesë e Përfaqësueses së Zvicrës për sfidat e radhës që do të zhvillohen gjatë muajit nëntor. Pas këtij rikthimi zyrtar, sulmuesi shtatlartë ka vendosur të mos heshtë më, duke dhënë detaje rreth pakënaqësive të tij me Federatën Zvicerane të Futbollit (SFV). Në një prononcim për “CH Media”, Embolo shprehu hapur zhgënjimin e tij për mënyrën se a u menaxhua rasti nga krerët e futbollit zviceran, duke pranuar se kishte kaluar nëpër mendje edhe largimin përfundimtar nga fanella kuqezi, para se të vendoste të fokusohet te sfidat e ardhshme. Kjo është hera e parë që 29-vjeçari flet publikisht pas përjashtimit nga grumbullimi i muajit shtator për Ligën e Kombeve, vendim ky i ndërlidhur me çështjen e certifikatave të falsifikuara të COVID-19. Ai u ankua se detajet e rastit të tij ishin të njohura prej kohësh brenda institucionit, ndërsa publiku u njoh vetëm me masën ndëshkimore. Ajo që e ka revoltuar më shumë lojtarin është barazimi i pozitës së tij me atë të kapitenit të skuadrës, Granit Xhaka. “Nuk dua të kërkoj justifikime, por unë jam i vaksinuar. Tri herë. Prandaj, rasti im është krejtësisht ndryshe nga ai i Granitit”, u shpreh Embolo. Sulmuesi theksoi gjithashtu se federata u dorëzua para trysnisë së jashtme, duke e lënduar atë në aspektin njerëzor. Për më tepër, ai vlerësoi se ndërhyrjet e politikës dhe presioni i opinionit publik nuk kanë vend në sport, ndërsa shtoi se është ndëshkuar në mënyrë kolektive duke u përzier problemet me autorizimin ESTA për udhëtimin drejt Shteteve e Bashkuara me ato të testeve shëndetësore. Gjatë verës, probleme me vizën ESTA kishin vonuar hyrjen e tij në SHBA, ku duhej të paraqitej për Kampionatin Botëror. Gjatë periudhës së ftohtë me institucionin, Embolo kishte shqyrtuar seriozisht idenë e tërheqjes përfundimtare ose të një pauze të gjatë nga përfaqësuesja. “Deri para pak kohësh, isha 50 me 50 sa i përket rikthimit në Kombëtare në nëntor”, pranoi ai pa hezitim. Pavarësisht dilemave, ai konfirmoi se mbetet i gatshëm për ekipin: “Unë nuk e kam refuzuar asnjëherë Kombëtaren, pavarësisht nëse kam qenë i lënduar, kam pasur probleme fizike apo nëse klubi im ka kërkuar që të mos paraqitem”. Edhe pse merr përsipër gabimin e bërë pa kërkuar trajtim preferencial, ai kujton momentin kur drejtori Pierluigi Tami (63) e njoftoi në telefon se nuk do të ftohej, të cilit iu përgjigj shkurt: “Atëherë nuk do të vij. Kaq e thjeshtë”. Ish-sulmuesi i Baselit beson se SFV-ja duhet të sqarojë disa çhemësi afatgjata për të mirën e të gjithëve, ndërsa nga ana e saj federata ka refuzuar të komentojë pas interesimit të gazetës “Blick”. Tashmë, mbrapa kësaj stuhie, prioriteti i tij kryesor mbetet fusha e blertë dhe sukseset me fanellën e Zvicrës. “Nuk ka më kuptim të shikojmë prapa. Në mendjen time tashmë është Kampionati Evropian”, përfundoi ai, duke shpresuar që me skuadrën të kalojë kufirin historik të çerekfinaleve.