Zhvillimet e fundit në Superligë: Prishtina merr avantazhin në Podujevë, Drita në epërsi ndaj Vushtrrisë

Përballja e zjarrtë e javës së 12-të në elitën e futbollit kosovar ka nisur me ritëm të lartë dhe gola të shpejtë në stadiumin “Zahiri Pajaziti”, ku Llapi po luan përballë Prishtinës. Skuadra kryeqytetase ka arritur të tronditë vendasit qysh në minutat e para të takimit. Ishte sulmuesi Leotrim Kryeziu ai i cili gjeti rrugën e golit në minutën e 4-t, duke kaluar Prishtinën në epërsi minimale 0:1. Ndërkohë, spektakël me gola po dhurohet edhe në përballjen tjetër të Superligës mes Dritës dhe Vushtrrisë, ku gjilanasit po udhëheqjin me rezultatin 2:1. Këtu, vendasit dyfishuan shifrat në minutën e 31-të falë një realizimi të saktë nga Kemelho Nguena. Megjithatë, Vushtrria u kundërpërgjigj në mënyrë spektakolare në minutën e 42-të, kur Albion Shurdhiqi shënoi një supergol për të ngushtuar epërsinë në 2:1.