Deputetja Kadrijaj kërkon anulimin e Gjykatës Speciale: Jemi gati të votojmë në Kuvend

Deputetja e Aleancës për Ardhmërinë e Kosovës, Time Kadrijaj, ka ritheksuar qëndrimin e saj se mbështet fuqimisht idenë e shfuqizimit të Gjykatës Speciale, duke shtuar se do të jetë gjithmonë në ballë të protestave kundër çdo padrejtësie që i drejtohet Ushtrisë Çlirimtare të Kosovës. Ajo ka bërë thirrje që kësaj nisme t'i bashkohen edhe subjektet e tjera politike në Kuvend, në mënyrë që ndryshimet dhe plotësimet e propozuara nga Partia Demokratike të kalojnë sa më parë në procedurat parlamentare. Duke evokuar të kaluarën e saj si ish-ushtare e UÇK-së, Kadrijaj u shpreh se nuk do të ndalet së reaguari ndaj tendencave për të njollosur luftën e pastër çlirimtare. Ajo konfirmoi se AAK-ja ka qenë dhe mbetet e gatshme të votojë pro zhbërjes së kësaj gjykate në çdo moment që çështja të rikthehet për shqyrtim në sallën e legjislativit.