Nis shitja e biletave për mbështetësit e Kosovës në sfidën ndaj Izraelit

Federata e Futbollit e Kosovës ka bërë të ditur se tashmë është hapur procesi i shitjes së biletave për tribunën e rezervuar për tifozët kuqezi, në kuadër të ndeshjes Izrael–Kosovë që do të luhet më 1 tetor në qytetin Debrecen të Hungarisë. Tifozët e interesuar që duan të sigurojnë një vend në stadium duhet të plotësojnë me kujdes të gjitha informacionet e kërkuara gjatë procedurës së regjistrimit. Kjo përfshirë paraqitjen e numrit të letërnjoftimit ose pasaportës, një fotografi të dokumentit zyrtar të identitetit, emrin dhe mbiemrin e plotë, adresën elektronike si dhe numrin e telefonit. Nga ana e FFK-së theksohet se saktësia e këtyre të dhënave është parësore dhe ato duhet të përkojnë plotësisht me dokumentin personal. Çdo mospërputhje mund të rezultojë në ndalimin e hyrjes së tifozëve në ambientet e stadiumit. Interesuarit do të kenë kohë deri më 30 shtator, në ora 20:00, për të përfunduar blerjen e biletave për sektorin e caktuar enkas për ta, i cili mban emërtimin D3. Dueli mes Izraelit dhe Kosovës është planifikuar të zhvillohet më 1 tetor, duke filluar nga ora 20:45, në Debrecen të Hungarisë, ndërsa dyert për spektatorët do të hapen një orë e gjysmë para fillimit të takimit, respektivisht në orën 19:15.