Goditen hajdutët e marketeve në Dellçevë, vihen në pranga tre persona nga Shkupi

Ministria e Punëve të Brendshme ka njoftuar se pas një sërë veprimesh intensive operativo-hetimore, zyrtarët policorë të Stacionit Policor në Dellçevë kanë arritur të zbardhin disa raste vjedhjesh të kryera në disa markete të këtij qyteti. Sipas informacioneve zyrtare, intervenimi ka pasuar pas një denoncimi të bërë më 26 tetor 2026, rreth orës 15:50, se në një market në Dellçevë është kryer vjedhje e mallrave të ndryshme nga disa persona. Falë reagimit të menjëhershëm dhe kontrollit të detajuar të terrenit, policia ka identifikuar, kapur dhe arrestuar tre persona të përfshirë në këto vepra penale, konkretisht shtetasit A.B. (58), B.SH. (53) dhe A.A. (51), të gjithë me banim në Shkup. Gjatë aksionit, autoritetet kanë ushtruar kontroll edhe në një automjet të tipit „Daewoo“ me targa të Shkupit, i cili drejtohej nga i dyshuari B.SH. Në brendësi të makinës janë zbuluar dhe konfiskuar mallra të ndryshme, të cilat dyshohet se janë përvetësuar përmes vjedhjeve të njëpasnjëshme në markete të ndryshme të Dellçevës. Nga Policia bëjnë me dije se rasti është duke u dokumentuar plotësisht, pas së cilës ndaj tre të dyshuarve do të ngrihen kallëzimet përkatëse penale pranë institucioneve kompetente.