Tragjedia e Arlinda Zekajt, Gërvalla: Prokuroria refuzoi hetimin e kanosjes nga vrasësi i saj

Ministrja e Drejtësisë, Donika Gërvalla, dhe ministri i Punëve të Brendshme, Xhelal Sveçla, kanë mbajtur një konferencë të jashtëzakonshme për media, ku kanë trajtuar detajet e rënda rreth vrasjes tragjike të Arlinda Zekajt. Gjatë fjalës së saj, ministrja Gërvalla bëri të ditur se nga raportimet e deritanishme ka rezultuar se organi i akuzës kishte hedhur poshtë kërkesën për hapjen e një rasti penal për kanosje ndaj Albert Sylajt, personit që më pas i mori jetën viktimës. "Institucionet e drejtësisë ishin në dijeni të plotë për dhunën dhe kërcënimet që i Kanë kanosur Arlinda Zekajt. Prokurorët përgjegjës janë informuar në vazhdimësi për çdo zhvillim të situatës. Madje, më 23 tetor, dy ditë para se të ndodhte vrasja, vetë kryeprokurorja është njoftuar zyrtarisht me shkrim," u shpreh ajo. Duke iu referuar dokumentacionit zyrtar, Gërvalla theksoi se prokurorja kompetente kishte marrë vendim për të refuzuar hapjen e hetimeve për veprën penale të kanosjes, pavarësisht rrezikut të shfaqur.