Tragjedi në familjen Asllani: Ndërron jetë Berat Asllani, vëllai i aktorit të njohur

Ka ndërruar jetë Berat Asllani, i cili nuk ka mundur t'u mbijetojë plagëve të marra nga një aksident i rëndë me motoçikletë ndodhur pak ditë më parë. Lajmin e dhimbshëm e ka kumtuar vetë aktori i njohur, Agan Asllani, përmes një njoftimi prekës të shpërndarë në profilin e tij në rrjetet sociale. “Me dhimbje të thellë dhe zemër të thyer, por me besim të plotë në caktimin e Allahut, njoftoj familjarët, miqtë dhe dashamirët se sot u nda nga jeta vëllai ynë i dashur, Berat Asllani”, ka shkruar Agani në mesazhin e tij ngushëllues.