Vendimi i Speciales, deputetja e PDK-së akuzon institucionet për neglizhencë institucionale

Deputetja e Partisë Demokratike të Kosovës, Ariana Musliu Shoshi, ka shprehur pakënaqësinë e saj lidhur me mënyrën se a po i qaset shteti i Kosovës zhvillimeve të fundit në Gjykatën Speciale, si dhe aktgjykimit dënues ndaj ish-krerëve të Ushtrisë Çlirimtare të Kosovës. Sipas ligjvënëses, vonesa prej 12 ditësh e Kuvendit të Kosovës për t'u mbledhur pas shpalljes së vendimit dëshmon qartë mungesën e seriozitetit institucional ndaj kësaj çështjeje jetike për vendin. Në një reagim të saj publike, ajo ka theksuar se miratimi i një deklarate pa fuqi juridike pas kësaj kohe tregon qasjen e zbehtë të shtetit. Për më tepër, ajo ka bërë thirrje për vetëdijesim, duke potencuar se pas kësaj beteje do të vihet në pikëpyetje vetë pavarësia e Kosovës nga të njëjtët faktorë, ndërsa ka shtuar se vetëm uniteti kombëtar mund ta mbrojë vendin në këto momente.