Vargjet shqipe në gjermanisht: Mbrëmje e veçantë kulturore në Bibliotekën Kombëtare

Poezia shqipe dhe arti i përkthimit të saj në gjuhën gjermane do të jenë në qendër të vëmendjes në një ngjarje të veçantë kulturore që do të zhvillohet së shpejti në kryeqytet, organizuar nga Ambasada e Gjermanisë në Kosovë në bashkëpunim me Bibliotekën Kombëtare “Pjetër Bogdani”. Takimi letrar është paraparë të mbahet më 4 nëntor, duke filluar nga ora 18:00, në ambientet e Bibliotekës Kombëtare të Kosovës. Kjo nismë vjen gjithashtu me mbështetjen e Rrjetit evropian për letërsinë dhe librat TRADUKI, duke i dhënë një dimension ndërkombëtar krijimtarisë sonë poetike. Të pranishmit do të kenë mundësinë të ndjekin një diskutim dhe lexim poetik ku do të marrin pjesë figura të njohura të fushës, përfshirë shkrimtaren dhe studiuesen Dr. Blerina Rogova-Gaxha, poetin Arben Idrizi, si dhe përkthyesen e mirënjohur Dr. Zuzana Finger.