Aksident i rëndë në Shkup: Fëmija përfundon në spital pasi goditet nga një veturë

Një fëmijë ka mbetur i plagosur rëndë si pasojë e një aksidenti rrugor të regjistruar pasditen e djeshme, më 27 shtator 2026, rreth orës 16:00, në rrugën “Slavej Planina” në kryeqytet. Sipas të dhënave zyrtare nga autoritetet policore, në këtë ngjarje rrugore janë përfshirë një automjet tip “Audi” me targa të Shkupit, i drejtuar nga 25-vjeçari me inicialet B.S., dhe një këmbësor i mitur. Si pasojë e përplasjes, i mituri ka pësuar lëndime të rënda trupore. Ai është transportuar menjëherë me autoambulancë drejt Qendrës së Urgjencës “Nënë Tereza”, ku ekipi mjekësor i ka ofruar ndihmën e parë dhe ka konstatuar natyrën e lëndimeve. Lidhur me këtë rast është njoftuar menjëherë prokurori publik, me urdhër të të cilit automjeti i përfshirë në aksident është sekuestruar, ndaj shoferit B.S. rëndon dyshimi për kryerjen e veprës penale sipas nenit 297-a të Kodit Penal. Nga Ministria e Punëve të Brendshme bëhet e ditur se hetimet dhe veprimet procedurale janë ende në fazën e dokumentimit të plotë të ngjarjes, pas së cilës ndaj drejtuesit të mjetit do të ngrihet kallëzimi përkatës penal.