Myllet mbledhja e jashtëzakonshme e Këshillit të Sigurisë Kombëtare: Çfarë u diskutua pas zhvillimeve me Vlora Hysenin

Kreu i Shtetit, Bajram Begaj, ka drejtuar ditën e sotme mbledhjen e Këshillit të Sigurisë Kombëtare, e cila pati një kohëzgjatje prej rreth një ore, duke nisur nga ora 08:30. Kjo tryezë e nivelit të lartë u thirr pas hetimeve të ndërmarra ndaj ish-kryetares së SHISH, Vlora Hyseni, e cila aktualisht përballet me masën e sigurisë “arrest në shtëpi”, ndërkohë që pas hetimeve të SPAK-ut ajo u largua nga drejtimi i institucionit. Në këtë takim të rëndësishëm morën pjesë figura kryesore të shtetit, ku u vu re prania e kryeministrit Edi Rama, kryetarit të Kuvendit Niko Peleshi, ministrave të linjës, si dhe drejtuesve të lartë të agjencive të sigurisë. Gjatë diskutimeve, kryeministri Edi Rama theksoi se çështja e hetimeve ndaj Vlora Hysenit është kompetencë ekskluzive e organeve të drejtësisë, ndërsa garantimi i sigurisë dhe integritetit të institucioneve mbetet një detyrim parësor i shtetit. STRUKTURA E KËSHILLIT TË SIGURIMIT Këshilli i Sigurimit Kombëtar udhëhiqet nga Presidenti i Republikës dhe përbëhet nga këta anëtarë: 1. Kuvendi – Kryetari Niko Peleshi 2. Këshilli i Ministrave – Kryeministri Edi Rama 3. Ministria e Mbrojtjes – Ermal Nufi 4. Ministria përgjegjëse për Punët e Jashtme – Ferit Hoxha 5. Ministria e Drejtësisë – Toni Gogu 6. Ministria përgjegjëse për Punët e Brendshme – Ervin Demo 7. Ministria përgjegjëse për Financat – Petrit Malaj 8. Ministria përgjegjëse për Transportin dhe Energjinë – Enea Karakaçi 9. Komisioni i përhershëm parlamentar përgjegjës për sigurinë dhe mbrojtjen – Kryetari Bledar Çuçi 10. Shtabi i Përgjithshëm i Forcave të Armatosura – Shefi i Shtabit, Arben Kingji 11. Shërbimi Informativ i Shtetit – Drejtori Elvis Lila 12. Policia e Shtetit – Drejtori i Përgjithshëm