Eliminimi surprizë në Carabao Cup, Odegaard i jep fund alarmit te Arsenal

Kapiteni i Arsenalit, Martin Odegaard, u ka bërë thirrje bashkëlojtarëve të tij që të mos zhyten në pesimizëm, pas dështimit të papritur në Carabao Cup kundër skuadrës së League Two, Fleetwood, në ndeshjen e zhvilluar të martën në mbrëmje. “Është vërtet zhgënjyese të eliminohesh,” u shpreh Odegaard, duke analizuar paraqitjen e dobët të skuadrës. “Sigurisht, mënyra se si kemi luajtur nuk ishte në nivelin e duhur. Duhet të bëjmë shumë, shumë më mirë nga sa bëmë në atë takim”, shtoi mesfushori norvegjez. Duke shfaqur maturi, ai vlerësoi kundërshtarin, ndërkohë që kërkoi kthesë të menjëhershme: “Është zhgënjyese, por përgëzime për Fleetwood. Ne tashmë po mendojmë për ndeshjen e radhës dhe për t’u rikthyer te rezultatet pozitive. Mendoj se problemi ishte te ne, pasi nuk ishim në nivelin tonë, duhet të bëjmë më mirë”. Në analizën e tij, kapiteni pranoi se pati një reagim të pjesshëm në fushë, por theksoi se kërkohet shumë më shumë punë: “Edhe pse u përmirësuam gjatë ndeshjes, kuptuam se duhet të ngremë nivelin tonë edhe më shumë”. Në fund të prononcimit të tij, Odegaard kërkoi që grupi të kthejëfaqen dhe të fokusohet te sfidat e ardhshme: “Është vërtet për të ardhur keq, por duhet të vazhdojmë përpara, pasi kemi trofe të tjerë për të fituar”.