Haxhiu: Pasuria e pajustifikueshme nuk do të mund të fshihet më pas pushtetit

Kryetarja e Kuvendit të Kosovës, Albulena Haxhiu, ka reaguar pasi Kuvendi e ka miratuar përfundimisht ligjin që i hap rrugë krijimit të Byrosë Shtetërore për Verifikimin dhe Konfiskimin e Pasurisë së Pajustifikueshme. Përmes një postimi, Haxhiu ka thënë se miratimi i ligjit vjen pas shumë pengesave dhe vonesave ndër vite, duke theksuar se lufta kundër korrupsionit kërkon vendosmëri dhe llogaridhënie. Ajo ka deklaruar se askush nuk duhet të fshihet pas pozitës, pushtetit apo ndikimit politik për t’iu shmangur përgjegjësisë për pasurinë e fituar gjatë ushtrimit të detyrës.