Kombëtarja e Futsallit: Nisin në Sllovaki sfidat e “Main Round” ndaj Bjellorusisë për Shqipërinë

Përfaqësuesja kuqezi e futsallit është gati të ngrejë siparin e sfidave të “Main Round” për eliminatoret e Kampionatit Botëror FIFA Futsal 2028. Përballja e parë zyrtare është caktuar të mbahet më 6 nëntor, ku Shqipëria do të matë forcat me Bjellorusinë. Dueli inaugural do të luhet duke filluar nga ora 15:30, në ambientet e pallatit të sportit në “Humenné” të Sllovakisë, një takim ky me peshë të veçantë për ecurinë e skuadrës në këtë fazë të rëndësishme kualifikuese. Kombëtarja shqiptare e siguroi biletën për këtë fazë falë paraqitjeve pozitive në raundin paraprak, ndërsa tani synon të lërë gjurmë në Grupin 6, ku përveç Bjellorusisë, bën pjesë edhe një kundërshtar tjetër i fortë si Kazakistani. Kalendari parashikon që sfidat e këtij “Main Round” të zhvillohen përmes sistemit vajtje-ardhje, duke u shtrirë në periudhën nga tetori i vitit 2026 deri në mars të vitit 2027. Në mbyllje të këtij cikli, 12 fituesit e grupeve dhe katër përfaqësuesit më të mirë të vendit të dytë do të sigurojnë biletën e direkt për në “Elite Round”. Ndërkohë, tetë skuadrat e tjera që do të pozicionohen në vendin e dytë do të kenë një shans të dytë përmes fazës play-off të “Main Round”.