Përplasja e kryeqytetit: Tirana dhe Dinamo zbulojnë formacionet zyrtare para supersfidës

Vetëm pak çaste na ndajnë nga fillimi i duelit mes Tiranës dhe Dinamos, sfidë kjo e vlefshme për javën e 9-të të Abissnet Superiores, ndërkohë që janë bërë publike edhe listat zyrtare me 11-shat titullarë që do të zbresin në fushë. Skuadra bardheblu paraqitet në këtë përballje e renditur në vendin e katërt me një total prej 11 pikësh, ndërsa rivalët e tyre të qytetit, dinamovitët, pozicionohen një shkallë më lart, në vendin e tretë, me 15 pikë të grumbulluara deri më tani. Në rrethanat ku të besuarit e trajnerit Ilir Daja sigurojnë tri pikët, “blutë” e kryeqytetit do të kenë mundësinë e artë për t'iu afruar ndjeshëm kreut të klasifikimit. Për “rekordmenët” e futbollit shqiptar, triumfi në këtë ndeshje do të thotë ngjitje në një “zonë të sigurt” të tabelës, duke pasur parasysh se me kuotën e 11 pikëve ndodhen edhe tri skuendra të tjera, pa llogaritur më pas Skënderbeun që numëron 10 pikë.