Gjigantët grekë në krye, zbulohet situata e re në elitën e basketbollit evropian pas javës së tetë

Pasi ka mbyllur me sukses sfidat e raundit të tetë të sezonit të rregullt, skuadra e Panathinaikos-it ka marrë frerët e udhëheqjes në renditjen e përgjithshme të Euroleague-it për meshkuj në basketboll. Formacioni nga Greqia siguroi një triumf të rëndësishëm me rezultatin 80-75 përballë Armani Milanos, duke u shndërruar në këtë mënyrë në ekipin e vetëm që numëron shtatë fitore krahas vetëm një humbjeje. Pozitat ndjekëse shoqërohen nga katër skuadra që ndajnë së bashku bilancin e gjashtë fitoreve, ku bëjnë pjesë Valencia Basket, Hapoel Tel Aviv, Fenerbahce dhe Olympiacos. Një nga përballjet më të spikatura të kësaj jave ishte ajo mes Valencias dhe Fenerbahçes, ku spanjollët, të cilët po shfaqen si surpriza e këndshme e këtij edicioni, triumfuan në shtëpinë e lor me shifrat 86-78 ndaj rivalëve turq. Formë të shkëlqyer po shfaq gjithashtu Real Madridi, i cili doli fitues në derbin spanjoll kundër Baskonia Gasteiz me rezultatin bindës 104-86. Sukses jashtë fushe regjistroi edhe Barcelona, e cila mposhti Bayern Munichun 88-84, ndërkohë që kampionët në fuqi të Olympiacos triumfuan me shifrat 81-73 në transfertë ndaj Besiktasit. Rezultatet e plota të këtij raundi: Dubai Basketball – Paris Basketball, 93-99 Bayern Munich – Barcelona, 84-88 Crvena Zvezda – Maccabi Tel Aviv, 100-78 Panathinaikos – Armani Milano, 80-75 Valencia Basket – Fenerbahce, 86-78 Baskonia Gasteiz – Real Madrid, 86-104 Besiktas – Olympiacos, 73-81 Hapoel Tel Aviv – Anadolu Efes, 118-88 Villeurbanne – Partizan Beograd, 82-75 Virtus Bologna – Zalgiris Kaunas, 74-91