Aksion policor në Prizren: Arrestohet një person dhe konfiskohen qindra fishekë në kulmin e shtëpisë

Një operacion policor i zhvilluar në fshatin Korishë të Prizrenit on ka përfunduar me prangosjen e një qytetari, pasi gjatë kontrollit në banesën e tij janë zbuluar sasi municionesh. Ngjarja është regjistruar të dielën, rreth orës 10:35 të paradites. Gjatë kontrollit të detajuar të ushtruar nga autoritetet, në pjesën e kulmit të objektit banesor janë gjetur dhe sekuestruar 200 fishekë. Pas përfundimit të procedurave policore, me urdhër të prokurorit të rastit, i dyshuari është ndaluar dhe dërguar në qendrën e mbajtjes për veprime të mëtejshme ligjore.