Kim Kardashian thyejn heshtjen: Lidhja e pashkëputur me Kanye West dhe sfida e madhe e fëmijëve

Pavarësisht divorcit bujshëm dhe sfidave të vazhdueshme, themeluesja e brandit të njohur ka pranuar se ndarja nuk ka zbehur aspak ndjenjën e përgjegjësisë dhe kujdesit ndaj ish-bashkëshortit të saj, Kanye West. Në një rrëfim të hapur për peripecitë e bashkë-prindërimit, ylli televiziv ka theksuar se kjo dinamikë mbetet mjaft e ndërlikuar dhe e rënduar nga ana emocionale, duke e cilësuar atë si një nga sprovat më të vështira të jetës së saj. Këto dëshmi vijnë nga faqet e biografisë së sapopublikuar “Citizen Kim”, autore e së cilës është gazetari Jonathan Van Meter, ku ajo ka zbuluar detaje intime rreth jetës private dhe lidhjes me babanë e fëmijëve të saj. E pyetur se sa shpesh mendon për reperin e njohur, ajo ka përgjigjur se ky shqetësim është i përditshëm, pasi ai mbetet përgjithmonë njeriu që ndan prindërimin e trashëgimtarëve të tyre. Ndër të tjera, ajo ka nënvizuar se pavarësisht çdo lloj stuhie që ka kaluar mes tyre në të kaluarën, ajo nuk do të resht së pasuri merak për fatin e tij. “Është një barrë e rëndë kur edukon fëmijë me dikë me të cilin nuk ke më të njëjtat pikëpamje apo qasje ndaj jetës”, është shprehur ajo, duke reflektuar mbi vështirësitë e kësaj situate. Dyshja e njohur ka katër fëmijë së bashku: North, 13 vjeçe, Saint, 10 vjeç, Chicago, 8 vjeçe, dhe Psalm, 7 vjeç, për të cilët ajo përpiqet të krijojë një ambient sa më të mbrojtur nga tensionet. Për të menaxhuar situatën me sa më pak konflikte, ajo ka shpjeguar se komunikimi i drejtpërdrejtë mes tyre është i kufizuar, duke preferuar të kalojë përmes bashkëshortes së reperit, Bianca Censori, ose menaxherit dhe mikut të tij të ngushtë. Përballja me pyetjet e fëmijëve rreth mungesës së babait mbetet një nga aspektet më sfiduese, ku ajo shpesh përdor histori udhëtimesh ose shpjegime mbrojtëse për të shmangur lëndimin e tyre emocional. “Dua që ata të ruajnë imazhin se babai i tyre është njeriu më i mirë në botë”, ka shtuar ajo, duke treguar gatishmërinë për të kapërcyer çdo fyerje apo deklaratë publike të reperit. Edhe pse ai arrin të gjejë një lloj ekuilibri personal, kjo nuk e zbeh ankthin e saj për të ardhmen e familjes dhe mënyrën se thellësisht kjo situatë ndikon tek fëmijët. “Nuk besoj se gjërat do të ndryshojnë për mirë, por lutem që kjo të ndodhë, qoftë edhe vetëm për hir të fëmijëve të mi”, ka përfunduar ajo.