Diell, vranësira kalimtare dhe erë e fortë në bregdet: Parashikimi i motit për të mërkurën

Gjatë ditës së mërkurë, territori i vendit do të përfshihet nga kushte atmosferike kryesisht të qëndrueshme, ku kthjellimet do të jenë dominuese në pjesën më të madhe të rajonit. Sipas parashikimeve meteorologjike, moti do të jetë kryesisht i kthjellët, por gjatë orëve të mesditës pritet një shtim i përkohshëm i vranësirave mesatare përgjatë relieveve malore në lindje. Në këto zona malore, vranësirat mund të shoqërohen me reshje lokale shiu me intensitet të ulët, ndërsa në majat më të larta ka mundësi për reshje të lehta bore. Parametri i erës do të shfaqet me drejtim nga veriu dhe verilindja, me një shpejtësi mesatare prej 8 m/s. Ndërkohë, në zonat luginore dhe përgjatë vijës bregdetare, era do të fitojë më shumë intensitet, duke arritur shpejtësinë deri në 18 m/s, çka do të shkaktojë një valëzim të forcës 2 deri në 4 ballë në dete.