Borussia Monchengladbach fiton edhe me një lojtar më pak, siguron kualifikimin në 1/8 e finales

Borussia Monchengladbach ka siguruar kualifikimin në fazën e 1/8 së finales së Kupës së Gjermanisë, pasi ka mposhtur Karlsruher SC-në me rezultat 2:0, pavarësisht se për një pjesë të gjatë të ndeshjes luajti me një lojtar më pak. Gladbachu e nisi ndeshjen në mënyrën më të mirë të mundshme, duke kaluar në epërsi që në minutën e shtatë. Pas një aksioni të bukur të ndërtuar nga vendasit, Robin Hack përfitoi nga pasimi i Scallyt dhe dërgoi topin në rrjetë për 1:0. Karlsruhe tentoi të reagojë, duke krijuar disa raste të rrezikshme, por portieri Batz ishte në nivel të lartë, duke mbajtur portën të paprekur. Momenti vendimtar i pjesës së parë erdhi pas ndërhyrjes së sistemit VAR. Sander pengoi Fukudën në një aksion të rrezikshëm dhe u ndëshkua me karton të kuq, duke e lënë Gladbachun me dhjetë futbollistë. Megjithatë, inferioriteti numerik nuk e ndali skuadrën vendase. Në minutën e 49-të, Ullrich përfitoi nga një kundërsulm i shpejtë, i nisur pas rikuperimit të topit në zonën e Gladbachut, dhe shënoi për 2:0. Pas golit të dytë, Gladbachu u përqendrua në mbrojtje, duke ia lënë iniciativën kundërshtarit. Karlsruhe pati më shumë posedim të topit dhe regjistroi 15 goditje drejt portës, por nuk arriti të konkretizojë rastet e krijuara. Sipas mediumit gjerman “Kicker”, Kështu, Borussia Mönchengladbach e menaxhoi epërsinë deri në fund dhe festoi një fitore të rëndësishme, duke siguruar kalimin në fazën e ardhshme të Kupës së Gjermanisë. Kjo ishte fitorja e dytë radhazi për Gladbachun, që po fiton vetëbesim pas një fillimi të vështirë të sezonit. Tashmë, skuadra do të përqendrohet te kampionati, ku në ndeshjen e radhës do të përballet me Paderbornin.