Tragjedi në Istog: Identifikohet viktima që humbi jetën tragjikisht nga lifti në vendin e punës

Një ngjarje e rëndë ka tronditur vendin ditën e sotme, ku një punëtor ka ndërruar jetë gjatë orarit të tij të punës në fshatin Dubravë të Istogut. Viktima është bërë e ditur se është Xhem Kadriu, me origjinë nga fshati Kopiliqi i Skënderajt. Sipas informacioneve paraprake, punëtori ka pësuar lënduar të rënda pasi dyshohet se është zënë nga një lift brenda hapësirës së punishtes. Megjithëse ai është transportuar me urgjencë në Qendrën Kryesore të Mjekësisë Familjare në Istog, stafi mjekësor vetëm sa ka mundur të konstatojë vdekjen e tij, pasi kishte mbërritur pa shenja jete. Lidhur me këtë tragjedi, zëdhënësi i Policisë për rajonin e Pejës, Driton Rugova, ka bërë të ditur se autoritetet janë njoftuar rreth orës 08:40 të mëngjesit. Menjëherë pas marrjes së informatës, njësitë relevante policore kanë zbarkuar në vendin e ngjarjes për të nisur hetimet dhe për të zbardhur rrethanat e plota se si ka ndodhur aksidenti fatal. Me urdhër të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore në Prishtinë, ku do t'i nënshtrohet obduksionit mjeko-ligjor. Ndërkohë, si pjesë e hetimeve paraprake, forcat e rendit kanë shoqëruar për intervistim mbikëqyrësin e punëtorëve, i cili me vendim të prokurorit është ndaluar në mbajtje për 48 orë. Ndaj tij është iniciuar rasti penal për veprat "Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës".